రంగారెడ్డి: శంషాబాద్ మండల పరిధిలోని పెద్ద గోల్కొండ అవుటర్ రింగ్ రోడ్డుపై ఘోర రోడ్డు ప్రమాదం జరిగింది. ఔటర్ పై వెళ్తున్న తుఫాన్ వాహనాన్ని కారు వేగంగా వచ్చి ఢీకొనడంతో ఐదుగురు అక్కడికక్కడే దుర్మరణం చెందారు. ఘటనలో మరో 14 మందికి తీవ్ర గాయాలయ్యాయి. సమాచారం అందుకున్న పోలీసులు వెంటనే ఘటనా స్థలానికి చేరుకుని మృతదేహలను స్వాధీనం చేసుకుని పోస్టుమార్టం నిమిత్తం మార్చురీకి తరలించారు. ఘటన స్థలంలో సహాయక చర్యలు చేపట్టి క్షతగాత్రులను చికిత్స నిమిత్తం స్థానిక దవాఖానకు తరలించారు. పూర్తి వివరాలు తెలియాల్సి ఉంది.