24 October, 2024 | 8:46 PM
మున్సిపల్ ట్రాక్టర్ను ఢీకొన్న లారీ
28-06-2024 10:03:23 AM
కోరుట్ల: జుగిత్యాల జిల్లాలోని కోరుట్ల మున్సిపల్ పరిధిలో శుక్రవారం రోడ్డు ప్రమాదం జరిగింది. మున్సిపల్ కార్మికులు ఇవాళ ఉదయం రోడ్లను ఊడుస్తూ.. చెత్తను ట్రాక్టర్ లో వేస్తుండగా.. ఎదురుగా వస్తున్న లారీ ఢీకొట్టింది. ఈ ప్రమాదం నుంచి మున్సిపల్ కార్మికులు తప్పించుకున్నారు. లారీ ఢీకొట్టాడంతో ట్రాక్టర్ బోల్తా పడింది. ఘటనతో పలు వాహనాలు ఎక్కడికి అక్కడే నిలిచిపోయాయి. స్థానికుల సమాచారంతో ఘటనాస్థలికి చేరుకున్న పోలీసులు ట్రాఫిక్ ను క్లియర్ చేసి ప్రమాదంపై ఆరా తీస్తున్నారు.
