నలుగురు హైదరాబాద్ వాసుల దుర్మరణం

హైదరాబాద్ సిటీబ్యూరో, నవంబర్ 9 (విజయక్రాంతి): కర్ణాటకలోని గుల్బర్గా జిల్లా కమలాపురం పోలీస్ స్టేషన్ పరిధిలో జరిగిన రోడ్డు ప్రమాదంలో నలుగురు హైదరాబాద్ వాసులు దుర్మరణం చెందారు. యూసుఫ్‌గూడ ప్రాంతానికి చెందిన వారు గుల్బర్గా జిల్లాలోని గానుగాపూర్ దత్తాత్రేయ క్షేత్రానికి దర్శనం కోసం బయలుదేరారు. శనివారం ఉదయంకమలాపురం తాలుకా పరిధిలోని మారగుట్టి చౌరస్తా సమీపంలో వీరు ప్రయాణిస్తున్న కారును బొలెరో వాహనం ఢీకొట్టడంతో హైదరాబాద్‌కు చెందిన భార్గవ కృష్ణ(55), ఆయన భార్య సంగీత (45), కుమారుడు ఉత్తవ్ రాఘవ (28), కారు డ్రైవర్ రాఘవేందర్ అక్కడికక్కడే మృతిచెందారు. మృతదేహాలను కమలాపురం ప్రభుత్వ దవాఖానకు తరలించి, కేసు నమోదు చేసి దర్యాప్తు జరుపుతున్నామని స్థానిక పోలీసులు వెల్లడించారు.