తండ్రి కొడుకుల మృతి... మరో ముగ్గురికి తీవ్ర గాయాలు

పండుగ పూట విషాదం 

పెద్దపల్లి,(విజయక్రాంతి): రామగుండం నియోజకవర్గంలోని  గోదావరిఖనిలోని మున్సిపల్ జంక్షన్ మెయిన్ చౌరస్తా రహదారిలోని వంక బెండు వద్ద సోమవారం తెల్లవారుజామున ఆగి ఉన్న లారీని చౌరస్తా వైపు వెళుతున్న కారు వెనుక వైపు నుండి ఢీ కొట్టింది. ఈ ప్రమాదంలో స్థానిక హనుమాన్ నగర్ కు చెందిన సింగరేణి కార్మికుడు సతీష్(33) అతని కుమారుడు 11 నెలల సాత్విక్ మృతి చెందారు. భార్యతో పాటు మరో ముగ్గురు కుటుంబ సభ్యులు తీవ్రంగా గాయపడ్డారు. స్థానికులు హుటాహుటిన దవాఖాన కు తరలించారు.