అమరావతి: అన్నమయ్య( Annamayya district) జిల్లాలోని రాయల్పాడు సమీపంలో జరిగిన ఘోర రోడ్డు ప్రమాదంలో ఇద్దరు వ్యక్తులు వెంటనే మరణించగా, 40 మంది తీవ్రంగా గాయపడ్డారు. గాయపడిన వారిలో ఐదుగురి పరిస్థితి విషమంగా ఉందని సమాచారం. బుధవారం తెల్లవారుజామున రెండు ప్రైవేట్ ట్రావెల్ బస్సులు ఎదురెదురుగా ఢీకొన్న ప్రమాదం జరిగింది. సమాచారం అందుకున్న పోలీసులు సంఘటనా స్థలానికి చేరుకుని సహాయక చర్యలు ప్రారంభించారు. క్షతగాత్రులను వైద్య చికిత్స కోసం కోలార్, శ్రీనివాసపురం, మదనపల్లెలోని ప్రభుత్వ ఆసుపత్రులకు తరలించారు. పోలీసులు కేసు నమోదు చేసి ఈ సంఘటనపై దర్యాప్తు చేస్తున్నారు.  మృతదేహాలను పోస్టుమార్టం నిమిత్తం మార్చురీకి తరలించారు.