‘మా నాన్న సూపర్ హీరో’ అంటూ మరోమారు అలరించడానికి సిద్ధమవుతున్నాడు హీరో సుధీర్‌బాబు. ‘లూజర్’ సిరీస్ ఫేమ్ అభిలాష్ రెడ్డి కంకర దర్శకత్వం వహిస్తున్న ఈ చిత్రాన్ని వి సెల్యులాయిడ్స్ బ్యానర్‌పై, సీఏఎం ఎంటర్‌టైన్‌మెంట్‌తో కలిసి సునీల్ బలుసు నిర్మిస్తున్నారు. దసరాకు ప్రేక్షకుల ముందుకు రానున్న ఈ సినిమా ఫస్ట్‌లుక్ పోస్టర్‌ను మేకర్స్ సోమవారం విడుదల చేశారు. ఈ పోస్టర్‌లో సుధీర్ బాబు మధ్యతరగతి యువకుడి అవతార్‌లో స్కూటర్‌ను నడుపుతూ, స్కూల్ పిల్లలను పలకరిస్తూ కనిపించడం డిలైట్ ఫుల్‌గా ఉంది. కాగా, సినిమా టీజర్‌ను ఈ నెల 12న విడుదల చేయనున్నట్టు మేకర్స్ వెల్లడించారు. సుధీర్ సరసన ఆర్ణ హీరోయిన్‌గా నటిస్తున్న ఈ మూవీలో సాయిచంద్, సాయాజీ షిండే, రాజు సుందరం, శశాంక్, ఆమని, అన్నీ కీలక పాత్రలు పోషిస్తున్నారు. ఈ సినిమాకు సినిమాటోగ్రఫీ: సమీర్ కళ్యాణి; మ్యూజిక్: జై క్రిష్.