• పునర్విభజనపై తెలంగాణ శాసనసభ తీర్మానం చరిత్రలో మైలురాయి
• ఇది ఆరంభమే.. మరిన్ని రాష్ట్రాలది అదే బాట
• తమిళనాడు సీఎం ఎంకే స్టాలిన్ ట్వీట్

హైదరాబాద్, మార్చి 27 (విజయక్రాం తి): సీఎం రేవంత్‌రెడ్డి తన మాటలను చేత ల్లో చూపించారని తమిళనాడు సీఎం ఎంకే స్టాలిన్ ప్రశంసించారు. నియోజకవర్గాల పునర్విభజనపై తెలంగాణ శాసనసభలో తీర్మానం చేసి.. చరిత్రలో ఒక మైలురాయిలా నిలిచిపోయేలా మాటపై నిలబడిన సీఎం రేవంత్‌రెడ్డి అంటూ గురువారం ఎక్స్‌లో ఆయన ట్వీట్ చేశారు.

జనాభా ప్రాతిపదికన పునర్విభజనను వ్యతిరేకిస్తూ ముఖ్యమంత్రి రేవంత్‌రెడ్డి నాయకత్వంలో తెలంగాణ శాసనసభ తీర్మానం చేసిన నేపథ్యంలో తమిళనా డు సీఎం స్టాలిన్ హర్షం వ్యక్తం చేశారు. న్యాయం, సమానత్వం, సమాఖ్య స్ఫూర్తిని సమర్థిస్తూ సరైన రీతిలో పునర్విభజన కోరుతూ సీఎం రేవంత్‌రెడ్డి శాసనసభలో తీర్మానం చేశారని పేర్కొన్నారు.

చెన్నైలో ప్రతిపాదించిన అంశాలు హైదరాబాద్‌లో నెరవేరాయని, ఇది ఆరంభం మాత్రమేనని, హైదరాబాద్‌లో ఐక్యకార్యాచరణ సమితి రెం డో సమావేశం నేపథ్యంలో మరిన్ని రాష్ట్రాలు కూడా అదేబాటలో నడుస్తాయని అభిప్రాయపడ్డారు.

పునర్విభజన విషయంలో ప్రజాస్వామ్య సమతుల్యతను దెబ్బతీసే ఏ ప్రయత్నాన్నైనా ప్రతిఘటించే సమిష్టితత్వా న్ని బలోపేతం చేస్తుందని పేర్కొన్నారు. భారతదేశ భవిష్యత్తును అధర్మ మార్గాన ఒక ప్రాంతానికి అన్యాయం చేసే రీతిన రాసేందుకు ప్రయత్నించే ఎవరినీ అనుమతించ బోమని ఈ సందర్భంగా స్టాలిన్ స్పష్టం చేశారు.