వర్లీ నియోజకవర్గంలో సీఎం ఎన్నికల ప్రచారం

హైదరాబాద్, నవంబర్ 13 (విజయక్రాంతి): మహారాష్ట్ర అసెంబ్లీ ఎన్నికల ప్రచారంలో కాంగ్రెస్ స్టార్ క్యాంపెయినర్‌గా తెలంగాణ సీఎం రేవంత్‌రెడ్డి పాల్గొన్నారు. బుధవారం రాత్రి ముంబైలో కీలక స్థానమైన వర్లీ నియోజకవర్గంలో ఆయన రోడ్‌షో నిర్వహించారు. మాజీ సీఎం ఉద్ధవ్ ఠాక్రే కుమారుడు, మాజీ మంత్రి ఆదిత్య ఠాక్రే ఇక్కడి నుంచి పోటీ చేస్తుండగా, ఆయన విజయాన్ని కాంక్షిస్తూ రేవంత్‌రెడ్డి ప్రచారం చేశారు.

అంతకుముందు వర్లీలోని తిరుపతి బాలాజీ ఆలయంలో రేవంత్‌రెడ్డి ప్రత్యేక పూజలు నిర్వహించారు. కాగా రేవంత్‌రెడ్డికి ముంబై ప్రజల నుంచి ఘనస్వాగతం లభించింది. నగరంలో రేవంత్ ఫ్లెక్సీలను పెద్ద ఎత్తున ఏర్పాటు చేశారు. రోడ్‌షోలో రేవంత్‌తోపాటు శివసేన (యూబీటీ) అభ్యర్థి ఆదిత్య ఠాక్రే, ముంబై నగరపాలక అధ్యక్షురాలు వర్ష గైక్వాడ్ పాల్గొన్నారు.