సూర్యాపేట ఆర్టీసి డిపో మేనేజర్ సురేందర్...

సూర్యాపేట: ప్రతి ప్రభుత్వ ఉద్యోగికి పదవీ విరమణ సహజమని సూర్యాపేట డిపో మేనేజర్ సురేందర్ అన్నారు. జిల్లా కేంద్రంలోని ఆర్టీసీ డిపోలో శుక్రవారం డిప్యూటీ సూపరింటెండెంట్ గాజుల దాసు, ఆర్టీసీ కండక్టర్ మైస యాక స్వామిల ఉద్యోగ పదవి విరమణ మహోత్సవ కార్యక్రమంలో ఆయన ముఖ్య అతిథిగా పాల్గొని మాట్లాడారు. ఉద్యోగం చేసే సమయంలో ప్రజలకు చేసిన సేవలు వారిని చిరకాలం గుర్తుంచుకునేలా చేస్తాయన్నారు. ఈ కార్యక్రమంలో ఆర్టిసీ ఎంఎఫ్ చారి, అకౌంటెంట్ జి ఎల్ రావు, సూపరింటెండెంట్ పుల్లయ్య, విశ్రాంత ఉద్యోగుల సంఘం రాష్ట్ర నాయకులు ఈదుల శంకరయ్య, ప్రభాకర్, పివి రావు, వెంకన్న, గ్యారేజ్ కార్మికులు తదితరులు పాల్గొన్నారు.