ఆయిల్ స్కిన్, డ్రై స్కిన్ సెల్స్ కారణంగా చర్మంపై ఉండే ఫోలికల్స్ మూసుకుపోయినప్పుడు మొటిమలు ఏర్పడతాయి. హార్మోన్ల అసమతుల్యత, చర్మంలో అదనపు నూనె ఏర్పడటం, బ్యాక్టీరియా చేరడం, ఇంకా వాపు వంటి అనేక కారణాల వల్ల ఇది జరుగుతుంది. ముఖ్యంగా మహిళలు మొటిమల కారణంగా ఆత్మవిశ్వాసం కోల్పోవాల్సి వస్తుంది. ముఖంపై మొటిమలు రావడం సహజమే అయినా వీటి వల్ల ముఖ సౌందర్యం పాడవుతుంది చాలాసార్లు. దీని కోసం మందులను ఆశ్రయించడం ప్రారంభిస్తారు. అయితే సమతుల్య ఆహారం తీసుకోవడం, పుష్కలంగా నీరు తాగడం ద్వారా మొటిమలను నివారించవచ్చని, అలాగే చర్మం కూడా మెరుస్తూ ఉంటుందని తెలుసా మీకు.

నీరు పుష్కలంగా తాగాలి..

నీరు శరీరంలోని విషపూరిత మూలకాలను తొలగిస్తుంది. ఇది శరీరంతో పాటు చర్మాన్ని ఆరోగ్యవంతంగా చేస్తుంది. ముఖ మొటిమలను వదిలించుకోవడానికి ప్రతిరోజూ 8 గ్లాసుల నీరు తాగాలి.

ఆకుకూరలు తినాలి..

విటమిన్లు, ఖనిజాలు, పీచుపదార్థాలు శరీరానికి పోషణనిస్తాయి. ఇది మీ చర్మాన్ని యవ్వనంగా, శుభ్రంగా ఉంచుతుంది. కాబట్టి మీ రోజువారీ ఆహారంలో బచ్చలికూర, మెంతులు, కాలే, బ్రోకలీ, దోసకాయ, చిలగడదుంప, క్యారెట్, క్యాప్సికమ్ వంటి కూరగాయలు ఉండేలా చూసుకోవాలి.

సీజనల్ పండ్లను తినాలి..

సీజనల్ పండ్లను క్రమం తప్పకుండా తినాలి. అవి శరీరానికి మేలు చేస్తాయి. ప్రతి సీజన్‌లో పండ్లను తీసుకోవడం మీ శరీరానికి అలాగే చర్మానికి చాలా ముఖ్యం. ఇది మిమ్మల్ని లోపలి నుంచి అందంగా చేస్తుంది. 

గ్రీన్ టీ తాగాలి..

రోజూ గ్రీన్ టీ లేదా హెర్బల్ టీ తాగడం వల్ల మొటిమల నుంచి ఉపశమనం లభిస్తుంది. ఎందకంటే ఇది మొటిమలను నియంత్రించడంలో చాలా ప్రభావవంతమైన లక్షణాలను కలిగి ఉంటుంది. కొన్ని పరిశోధనల ప్రకారం గ్రీన్ టీలో పాలీఫెనాల్స్ సమ్మేళనాలు ఉన్నాయి. ఇవి సేబాషియస్ గ్రంథులు అదనపు సెబమ్ లేదా నూనెను ఉత్పత్తి చేయకుండా నిరోధించడంలో సహాయపడటం ద్వారా చర్మ ఆరోగ్యాన్ని మెరుగుపరుస్తాయి. సెబమ్ ఎక్కువగా ఉండటం వల్ల చనిపోయిన చర్మ కణాలు ఒకదానితో ఒకటి అతుక్కొని మొటిమలకు దారితీసే రంధ్రాలను మూసుకుపోతాయి.