దౌల్తాబాద్ (విజయక్రాంతి): మండల కేంద్రమైన దౌల్తాబాద్ లో దివంగత ప్రధానమంత్రి ఇందిరాగాంధీ 107వ జయంతి వేడుకలు మంగళవారం కాంగ్రెస్ పార్టీ ఆధ్వర్యంలో ఘనంగా నిర్వహించారు. ఈ సందర్భంగా ఇందిరాగాంధీ చిత్రపటానికి పూలమాలలు వేసి నివాళులర్పించారు. ఈ సందర్భంగా ఇందిరాగాంధీ విశిష్ట సేవలను గుర్తు చేసుకుంటూ, ఆమె చూపిన నాయకత్వం దేశానికి అందించిన సేవల గురించి హర్షం వ్యక్తం చేశారు. స్వాతంత్రం వచ్చిన తర్వాత భారతదేశ చరిత్రలో ఆమె పాత్ర యొక్క గొప్పతనాన్ని కొనియాడారు. ఆమె ఆశయాలను కొనసాగించాలని కోరారు. ఈ కార్యక్రమంలో మండల పార్టీ అధ్యక్షుడు పడాల రాములు, ఎస్సీ సెల్ మండల అధ్యక్షుడు బండారు లాలు, మాజీ సర్పంచ్ ఆది వేణుగోపాల్ నాయకులు స్వామి, నందం, కాసీం, ఎల్లయ్య, రాజు, ఆంజనేయులు గౌడ్, మహేష్, నర్సింలు, అంజత్, శ్రీనివాస్, నాగయ్య తదితరులు పాల్గొన్నారు.