అల్లు అర్జున్, రష్మిక మందన్నా జంటగా రూపొందుతున్న చిత్రం ’పుష్ప 2‘. సుకుమార్ దర్శకత్వంలో తెరకెక్కుతున్న ఈ సినిమాపై అంచనాలు భారీగా ఉన్నాయి. ఒకవైపు చిత్రీకరణ శరవేగంగా పూర్తి చేస్తూనే.. మరోవైపు నిర్మాణాంతర పనులను మేకర్స్ పూర్తి చేస్తున్నారు. ఈ క్రమంలోనే చిత్రానికి సంబంధిం చిన ప్రచార కార్యక్రమాలు సైతం చేపడుతున్నారు.

రోజుకో రకమైన ఆసక్తికర ప్రచారానికి చిత్ర హీరోహీరోయిన్లు అల్లు అర్జున్, రష్మికలు తెరదీస్తున్నారు. అల్లు అర్జున్ వచ్చేసి ఓ షో ద్వారా సినిమాకు హైప్ తీసుకొచ్చేందుకు యత్నిం చారు. మరోవైపు రష్మిక తను డబ్బింగ్ చెప్పే విషయాలను పంచుకుంటూ సినిమా ఓ రేంజ్‌లో ఉండబోతోందని చెప్పారు. ‘ఫస్టాఫ్ అద్భుతమ ని.. సెకండాఫ్ అంతకు మించి’ అని చెప్పి సినిమాపై ఆసక్తిని పెంచేశారు.

తాజాగా సినిమా ట్రైలర్ రిలీజ్‌కు ముందు ‘పుష్ప’కు సంబంధించిన అనుభవాలను మరోసారి గుర్తు చూసుకుంటున్నానంటూ టాప్ 10 ఫోటోలను సోషల్ మీడియా వేదికగా రష్మిక పంచుకున్నారు. మొత్తానికి ఒక స్ట్రాటజీ ప్రకా రం సినిమా నిత్యం వార్తల్లో ఉండేలా రష్మిక తన వంతు ప్రయత్నం తను చేస్తున్నారు. డిసెంబర్ 5న విడుదల కానుందీ చిత్రం.