మనోహరాబాద్, నవంబర్ 12: ట్రాలీ ఆటోల్లో అక్రమంగా తరలిస్తున్న పీడీఎస్ బియ్యాన్ని మనోహరాబాద్ మండలం దండుపల్లి గ్రామ శివారులో అధికారులు సీజ్‌చేశారు. జీడిమెట్ల సూరారం గ్రామానికి చెందిన బుస్స లింగం.. డ్రైవర్ల సహాయంతో మంగళవారం దండుపల్లి శివారులో రెండు ట్రాలీల్ల్లో 80 క్వింటాళ్ల రేషన్ బియ్యాన్ని తరలిస్తుండగా సమాచారం అందుకున్న సివిల్ సప్లయ్, రెవెన్యూ, పోలీసు అధికారులు దాడిచేసి పట్టుకున్నారు. బియ్యంతో పాటు వాహనాలను సీజ్ చేసి పోలీస్ స్టేషన్‌కు తరలించినట్లు ఎస్సై సుభాష్‌గౌడ్ తెలిపారు. రేషన్ బియ్యం తరలించేవారిపై చర్యలు తప్పవని పోలీసులు హెచ్చరించారు.