మరో 2.163 బిలియన్ డాలర్ల తగ్గుదల
న్యూఢిల్లీ, అక్టోబర్ 25: దేశం వద్దనున్న విదేశీ మారక నిల్వలు రికార్డు గరిష్ఠస్థాయి నుంచి వరుసగా మూడో వారమూ తగ్గా యి. శుక్రవారం ఆర్బీఐ విడుదల చేసిన గ ణాంకాల ప్రకారం అక్టోబర్ 18తో ముగి సిన వారంలో ఫారిన్ ఎక్సేంజ్ (ఫారెక్స్) రిజర్వులు మరో 2.163 బిలియన్ డాలర్లు తగ్గి 688.267 బిలియన్ డాలర్ల వద్ద నిలి చాయి.
అంతక్రితం అక్టోబర్ 11తో ముగిసిన వారంలో ఇవి 10.644 బిలియన్ డాలర్లు తగ్గాయి. అంతక్రితం వారం ఇవి 3.7 బిలి యన్ డాలర్ల మేర క్షీణించాయి. సెప్టెంబర్ చివరినాటికి ఫారెక్స్ నిల్వలు 704.885 బిలి యన్ డాలర్ల ఆల్టైమ్ గరిష్ఠస్థాయికి చేరిన సంగతి తెలిసిందే. వరుస మూడు వారాల్లో 16 బిలియన్ డాలర్లకుపైగా క్షీణించాయి.
పెరిగిన బంగారం నిల్వలు
ఆర్బీఐ వద్దనున్న బంగారం నిల్వలు సమీక్షావారంలో 67.444 మిలియన్ డాలర్లు పెరిగి 67.444 బిలియన్ డాలర్లకు చేరాయి. స్పెషల్ డ్రాయింగ్ రైట్స్ 68 మిలియన్ డాలర్లు తగ్గి18.271 బిలియన్ డాలర్ల వద్ద నిలిచాయి. ఐఎంఎఫ్ వద్దనున్న రిజర్వులు 16 మిలియన్ డాలర్ల క్షీణతతో 4.316 బిలియన్ డాలర్ల వద్దకు తగ్గాయి.