మంథని(విజయక్రాంతి): రాష్ట్ర ఐటీ శాఖ మంత్రి దుద్ధిళ్ల శ్రీధర్ బాబును శాతవాహన విశ్వవిద్యాలయ అసిస్టెంట్ ప్రొఫెసర్ డాక్టర్ నరసింహమూర్తి హైదరాబాద్ లోని మినిస్టర్ క్యాంప్ కార్యాలయంలో కలిసి రామగిరిఖిల్లా పైన ఉన్న ఔషద మొక్కలపై ప్రాథమిక పరిశోధన చేసి అ పత్రాన్ని మంగళవారం మంత్రి శ్రీధర్ బాబుకు అందజేశారు. ఆయనతో పాటు పెద్దపల్లి జిల్లా కాంగ్రెస్ పార్టీ సోషల్ మీడియా ఇంచార్జ్ ఆరేళ్లి కిరణ్ గౌడ్ కూడా పాల్గొన్నారు.

రామగిరిఖిల్లా కొండలపై విస్తరించి ఉన్న ఔషధ మొక్కలు, వృక్ష వైవిధ్యాన్ని గురించి చేసిన ప్రాథమిక పరిశోధనా పత్రాన్ని అంతర్జాతీయ పరిశోధన పత్రికలో ప్రచురించడం జరిగిందని ఈ సందర్భంగా అసిస్టెంట్ ప్రొఫెసర్ డాక్టర్ నరసింహమూర్తి మంత్రి శ్రీధర్ బాబుకు తెలిపారు. దాదాపుగా 300 పైచిలుకు ఔషధ మొక్కలకు సంబంధించిన ప్రాథమిక సమాచారాన్ని సేకరించారు. ఈ క్రమంలోనే మరింత పరిశోధన జరిపి రామగిరిఖిల్లా ఔషధ మొక్కల గురించిన సమగ్ర సమాచారాన్ని పుస్తక రూపంలో తీసుకురావడానికి ప్రయత్నం చేస్తున్నామన్నారు. ఈ సందర్భంగా మంత్రి స్నేహితులు శ్రీధర్ బాబును కలిసి మరిన్ని పరిశోధనల కొరకు ప్రోత్సహం ఇవ్వాలని కోరారు. మంత్రి ఆ నివేదికను పరిశీలించి సానుకూలంగా స్పందించారు.