శివకార్తికేయన్, సాయిపల్లవి జంటగా నటించిన చిత్రం ‘అమరన్’. రాజ్‌కుమార్ పెరియసామి దర్శకత్వంలో ఈ చిత్రాన్ని కమల్ హాసన్, ఆర్ మహేంద్రన్ కలిసి నిర్మించారు. దీపావళి కానుకగా అక్టోబర్ 31న విడుదలైన ఈ చిత్రం అన్ని వర్గాల ప్రేక్షకులను అలరిస్తోంది. ఈ నేపథ్యంలో తాజాగా సూపర్ స్టార్ రజనీకాంత్ ‘అమరన్’ చిత్రబృందంపై ప్రశంసల జల్లు కురిపించారు.

ఈ సినిమాను ప్రత్యేకంగా వీక్షించిన రజనీకాంత్.. సినిమాను నిర్మించిన తన మిత్రుడు కమల్‌హాసన్‌కు ఫోన్ చేసి అభినందించారు. హీరో శివకార్తికేయన్, దర్శకుడు రాజ్‌కుమార్, నిర్మాత ఆర్ మహేంద్రన్, సినిమాటోగ్రాఫర్ సాయిని ప్రత్యేకంగా కలిసి, టీమ్ అందరినీ ప్రశంసించారు.