బీజేపీ ఎంపీ భోలాసింగ్

హైదరాబాద్, నవంబర్ 5 (విజయక్రాంతి): రిజర్వేషన్లపై కాంగ్రెస్ నేత రాహుల్ గాంధీ వ్యాఖ్యలు అర్థరహితమని బీజేపీ ఎస్సీ మోర్చా జాతీయ ప్రధాన కార్యదర్శి, బులంద్‌షహర్ ఎంపీ భోలాసింగ్ అన్నారు. బీజేపీ రాష్ట్ర కార్యాలయంలో మంగళవారం ఆయన మీడియాతో మాట్లాడారు. నెహ్రూ, ఇందిర, రాజీవ్, రాహుల్.. అందరూ ఎస్సీ, ఎస్టీ, బీసీ రిజర్వేషన్లకు వ్యతిరేకంగా పనిచేసినవారేనని ఆయన ఆరోపించారు.

తమ ప్రభు త్వం అంబేద్కర్ ఆశయాలకు అనుగుణంగా పనిచేస్తోందన్నారు. బీజేపీ, మోదీపై ఉన్న నమ్మకంతోనే హర్యా నా ప్రజలు మూడోసారి తమకు అధికారం అప్పగించారని అన్నారు. భవిష్యత్‌లో జరిగే ఎన్నికల్లో తెలంగాణలోనూ మెజార్టీ సీట్లు సాధించి అధికారంలోకి వస్తామన్నారు.

బీజేపీ సభ్యత్వ నమోదు కార్యక్రమంలో ఎస్సీమోర్చా ఆధ్వర్యంలో 1.50 లక్షల సభ్యత్వాలు చేసినట్లు భోలాసింగ్ తెలిపారు. సమావేశంలో బీజేపీ ఎస్సీ మోర్చా జాతీయ కార్యదర్శి ఎస్.కు మార్, ఎస్సీమోర్చా రాష్ట్ర ప్రధాన కార్యదర్శి క్రాంతి కిరణ్, అధికార ప్రతినిధి తులసి, నాయకులు శివుడు, బం డారి సుభాశ్ పాల్గొన్నారు.