అస్సాం: కాంగ్రెస్ ఎంపీ రాహుల్ గాంధీ సోమవారం వరద ప్రభావిత ప్రాంతాల్లో పర్యటిస్తున్నారు. మణిపూర్‌కు వెళ్లే ముందు అస్సాంలోని కాచార్ జిల్లా సిల్చాన్ వరద బాధిత ప్రజలను కలుసుకున్నారు. అక్కడ అతను జిరిబామ్‌లోని సహాయ శిబిరాన్ని సందర్శించి, ఏడాది కాలంగా జరిగిన జాతి హింసతో ప్రభావితమైన ప్రజలతో సంభాషించారు. లోక్‌సభలో ప్రతిపక్ష నేత అయిన తర్వాత రాహుల్ గాంధీ ఈశాన్య రాష్ట్రాలలో పర్యటించడం ఇదే తొలిసారి. 

రాహుల్ గాంధీ అస్సాంలోని సిల్చార్ విమానాశ్రయానికి చేరుకున్నారు. అక్కడ అస్సాం, మణిపూర్‌కు చెందిన కాంగ్రెస్ నాయకులు ఆయనను సత్కరించారు. కొద్దిరోజులుగా కురుస్తున్న వర్షాల కారణంగా కొండచరియలు విరిగిపడటం, నదులు పొంగిపొర్లడం వంటి కారణాలతో రాష్ట్రం తీవ్ర వరదలతో పోరాడుతున్న నేపథ్యంలో రాహుల్ గాంధీ అస్సాం పర్యటనకు వెళ్లారు. 28 జిల్లాల్లో దాదాపు 22.70 లక్షల మంది వరదల బారిన పడ్డారు. రాష్ట్రంలో ఈ ఏడాది వరదలు, కొండచరియలు విరిగిపడటం, తుపానుల కారణంగా మొత్తం 78 మంది మరణించారు.