జాకీ ష్రాఫ్, ప్రియమణి, సన్నీలియోన్, సారా అర్జున్ ప్రధాన పాత్రల్లో నటించిన చిత్రం ‘క్యూజీ గ్యాంగ్ వార్’. ఈ మూవీకి సంబంధించి తెలుగు వరల్డ్ వైడ్ రిలీజ్ హక్కులను రుషికేశ్వర్ ఫిల్మ్స్ బ్యానర్ కింద నిర్మాణ వేణుగోపాల్ సొంతం చేసుకున్నారు. ఇదే నెల 30న ఐదు భాషల్లో సినిమాను విడుదల చేయనున్నారు మేకర్స్. ఈ సందర్భంగా ట్రైలర్ లాంచ్ ఈవెంట్‌ను సోమవారం హైదరాబాద్‌లో నిర్వహించగా.. అతిథులుగా టీ ప్రసన్నకుమార్, దామోదర్ ప్రసాద్, శ్రీను, శివనాగు, నిర్మాత వేణుగోపాల్, ఎన్టీఆర్ శ్రీను పాల్గొన్నారు. ఈవెంట్‌లో అతిథులు మాట్లాడుతూ.. ఈ సినిమా కొటేషన్ గ్యాంగ్ పంచే మంచి మాస్ మసాలా కమర్షియల్ ఎంటర్‌టైనర్ అన్నారు.