అల్లు అర్జున్, రష్మిక మందన్నా జంటగా నటించిన చిత్రం ’పుష్ఫ ది రూల్’. పుష్ప చిత్రానికి సీక్వెల్‌గా ఇది రానుంది. సుకుమార్ దర్శకత్వం వహించిన ఈ చిత్రం డిసెంబర్ 5న విడుదల కానుంది. ఈ సినిమా ఒకవైపు చిత్రీకరణ పూర్తి చేసుకుంటూనే మరోవైపు నిర్మాణాంతర పనులపై దృష్టి సారించింది. ‘పుష్ప’ విడుదలకు పెద్దగా సమయం లేకపోవడంతో చిత్ర యూనిట్ ప్రతి క్షణాన్ని వినియోగించుకుంటోంది.

మరోవైపు ప్రమోషన్స్ కూడా నిర్వహిస్తూనే ఉంది. ప్రస్తుతం రష్మిక తన పాత్రకు డబ్బింగ్ చెబుతున్నారు. ఈ నేపథ్యంలోనే రష్మిక డబ్బింగ్ స్టూడియోలో దిగిన ఫోటోను సామాజిక మాధ్యమాల్లో షేర్ చేసి సినిమా గురించి ఆసక్తికర విషయాలను పోస్ట్‌లో తెలిపారు.

“ఫన్, గేమ్స్ పూర్తయ్యాయి. ప్రస్తుతం పనిలో బిజీ. ‘పుష్ప ది రూల్‘ చిత్రీకరణ దాదాపు పూర్తవడంతో ఫస్టాఫ్ డబ్బింగ్ పనులు కూడా పూర్తి చేశా. సెకండాఫ్ కోసం ఇప్పుడు డబ్బింగ్ చెబుతున్నా. మైగాడ్ ఫస్టాఫ్ అద్భుతం. సెకండాఫ్ అంతకు మించి ఉంటుం ది. ఇంతకు మించి నేనేం చెప్పలేను. మీకు మైండ్ బ్లోయిం గ్ ఎక్స్‌పీరియన్స్ కలుగుతుందనడంలో సందేహం లేదు” అని రష్మిక తెలిపారు.