హైదరాబాద్: ఐకాన్ స్టార్ అల్లు అర్జున్ నటించిన పుష్ప2 చిత్రం డిసెంబర్ 5న పాన్-ఇండియా భాషల్లో ప్రపంచవ్యాప్తంగా గ్రాండ్‌గా విడుదల కానుంది. పుష్ప-2 టికెట్ ధరల పెంపునకు వెసులుబాటు కల్పిస్తూ తెలంగాణ ప్రభుత్వం శనివారం ఉత్తర్వులు జారీ చేసింది. డిసెంబర్ 4న రాత్రి 9.30 నుంచి పుష్ప2 బెనిఫిట్ షోలకు అనుమతిచ్చింది. డిసెంబర్ 5న పుష్ప2 సినిమా విడుదల కానుంది. డిసెంబర్ 4న బినిఫిట్ షోలకుతో పాటు అర్దరాత్రి ఒంటిగంట షోకు గ్రీన్ సిగ్నల్ ఇచ్చింది.  సింగిల్ స్క్రీన్, మల్టీప్లెక్స్ ల్లో పుష్ప2 బెనిఫిట్ షోల టికెట్ ధరలు రూ. 800గా ఖరారు చేసింది. అర్ధరాత్రి ఒంటిగంట నుంచి తెల్లవారుజామున 4గంటల వరకు పుష్ప2 అదనపు షోలు నడవనున్నాయి. డిసెంబర్ 5 నుంచి 8 వరకు సింగిల్ స్క్రీన్ లో రూ. 150 , మల్టీఫ్లెక్స్ ల్లో రూ. 200, డిసెంబర్ 9 నుంచి16 వరకు సింగిల్ స్క్రీన్ రూ. 105, మల్టీఫ్లెక్స్ లో రూ. 150, డిసెంబర్ 17-23 వరకు సింగిల్ స్క్రీన్  రూ.20, మల్టీఫ్లెక్స్ లో రూ .50 పెంచుకునే అవకాశం కల్పించింది.