కలెక్టర్ హనుమంతరావు 

యాదాద్రి భువనగిరి మార్చి 17 (విజయ క్రాంతి): వివిధ ప్రాంతాల ప్రజల నుండి వచ్చిన   దరఖాస్తులను జిల్లా కలెక్టర్ హనుమంతరావు,   రెవిన్యూ అదనపు కలెక్టర్ వీరారెడ్డి తో కలసి అర్జీలను స్వీకరించారు. సోమవారం రోజు కలెక్టరేట్   సమావేశ  మందిరంలో  జరిగిన  ప్రజావాణి కార్యక్రమంలో వివిధ ప్రాంతాల ప్రజల నుండి 58 అర్జీలను స్వీకరించారు. సంబంధిత అధికారులు దరఖాస్తులను  పెండింగ్ లేకుండా ఎప్పటికప్పుడు పరిశీలించి పరిష్కరించాలన్నారు.

అందులో రెవిన్యూ శాఖ 34, జిల్లా పంచాయతీ శాఖ 11,  మున్సిపాలిటీ 3, జిల్లా గ్రామీణాభివృద్ధి శాఖ 2, సివిల్ సప్లైస్ 2,దేవాదాయ శాఖ 2,  జిల్లా కో ఆపరేట్ , ఆర్ అండ్ బి , జిల్లా సంక్షేమ , లేబర్ శాఖలకు  ఒక్కొకటి చొప్పున వచ్చాయి.

ప్రజావాణి అనంతరం  జిల్లా కలెక్టర్ మాట్లాడుతూ స్టేట్ ప్రజావాణి లో వచ్చిన దరఖాస్తులను కూడా పరిశీలించి పరిష్కరించాలన్నారు. వివిధ శాఖలలో పెండింగ్ ఉన్న సంక్షేమ  అభివృద్ధి పనుల పై సమీక్ష సమావేశాలు నిర్వహించడం జరుగుతుందన్నారు. ఈ కార్యక్రమంలో జడ్పీ సీఈఓ శోభా రాణి, జిల్లా గ్రామీణాభివృద్ధి  అధికారి నాగిరెడ్డి,వివిధ శాఖల  జిల్లా అధికారులు పాల్గొన్నారు.