విద్యాకమిషన్ సభ్యురాలు జ్యోత్స్నరెడ్డి

గజ్వేల్/కొండపాక, నవంబర్29: పాఠశాలలు, వసతి గృహాల్లో విద్యార్థులకు నాణ్యమైన భోజనం అందించా లని విద్యా కమిషన్ సభ్యురాలు జ్యోత్స్నారెడ్డి సూచించారు. శుక్రవారం మర్కూక్, కుకునూర్‌పల్లి మండలాల్లోని మోడల్ పాఠశాల, జడ్పీహెచ్, ఎంపీపీఎస్ పాఠశాలల్లో ఆమె మధ్యాహ్న భోజనాన్ని, పాఠశాలల్లోని పరిసరాలను, వసతులను పరిశీలించారు. ఈ సందర్భంగా విద్యార్థులకు ఎలాంటి ఇబ్బందులు లేకుండా అవసరమైన పటిష్టమైన చర్యలు చేపట్టాలని ఉపాధ్యాయులకు సూచించారు. ఆమె వెంట ఎడ్యుకేషన్ కమిటీ సభ్యులు జీనత్, డీఈవో ఎల్లంకి శ్రీనివాస్‌రెడ్డి, ఎంఈవో శ్రీనివాస్ తదితరులు ఉన్నారు.