తుంగతుర్తి (విజయక్రాంతి): తుంగతుర్తి మండల కేంద్రంలో గత పది రోజులుగా నెలకొన్న తాగునీటి సమస్యను పరిష్కరించాలంటూ గ్రామస్తులు శుక్రవారం బిందెలు, బకెట్లతో నిరసన తెలిపారు. ఈ సందర్భంగా గ్రామస్తులు మాట్లాడుతూ.. గత పది రోజులుగా నీళ్లు రాక ఇబ్బందులు పడుతున్నామని, అధికారులకు ఎంత విన్నవించుకున్న మిషన్ భగీరథ నీళ్లు రావడంలేదని, కనీసం గ్రామపంచాయతీ సిబ్బంది ట్యాంకర్లతో నీటిని పంపిణీ చేయడం లేదని, చేతులు దులుపుకుంటున్నారని, జిల్లా కలెక్టర్ స్పందించి వెంటనే తాగునీటి సమస్యను పరిష్కరించాలని గ్రామస్తులు కోరుతున్నారు.