టాలీవుడ్ హీరో అల్లరి నరేశ్ తో ‘మడత కాజా‘, ‘సంఘర్షణ‘  వంటి చిత్రాలను నిర్మించిన నిర్మాత వేదరాజు టింబర్ (54) ఈరోజు ఉదయం మృతిచెందారు. సినిమాలపై ఇష్టంతో ఓ వైపు నిర్మాణ రంగంలో బిజీగా ఉంటూనే మరోవైపు సినిమాలను నిర్మించారు. త్వరలో మరో చిత్ర నిర్మాణానికి సన్నాహాలు జరుగుతున్న సమయంలోనే ఈ సంఘటన జరిగింది. కొంతకాలంగా ఊపిరితిత్తుల సంబంధిత వ్యాధితో బాధపడుతున్న ఆయన హైదరాబాద్ లోని ఏఐజీ ఆసుపత్రిలో చికిత్స తీసుకుంటున్నారు. త్వరలోనే కోలుకుని వస్తారని సన్నిహితులు, కుటుంబ సభ్యులు భావిస్తున్న తరుణంలో అకాల మరణం పొందటం అందరిలో విషాదాన్ని నింపింది. ఆయనకు భార్య, కుమార్తె ఉన్నారు.  అంత్యక్రియలు ఈ రోజే నిర్వహిస్తామని కుటుంబ సభ్యులు తెలిపారు. వేదరాజు మరణ వార్త తెలిసిన ఇండస్ట్రీ ప్రముఖులు సంతాపం తెలియజేస్తున్నారు.