ఏఐటీయూసీ జిల్లా ప్రధాన కార్యదర్శి ఉపేందర్ 

కుమ్రం భీం ఆసిఫాబాద్,(విజయక్రాంతి): వైద్య ఆరోగ్య శాఖలో రెండవ ఏఎన్ఎంల సమస్యలు పరిష్కరించాలని ఏఐటీయుసీ జిల్లా ప్రధాన కార్యదర్శి భోగే ఉపేందర్ డిమాండ్ చేశారు. గురువారం జిల్లా వైద్యాధికారి సీతారాం పలు సమస్యలతో కూడిన వినతిపత్రాన్ని అందజేశారు. ఈ సందర్భంగా ఆయన మాట్లాడుతూ రెండవ ఏఎన్ఎం పోస్టులను ఐదువేలకి పెంచడంతోపాటు ప్రిపరేషన్ హాలిడేస్ మంజూరు చేయాలని కోరారు. బడుగు బలహీన వర్గాల ప్రజలకు 20 సంవత్సరాలుగా వైద్య సేవలు అందిస్తున్నప్పటికీ వారికి వచ్చే వేతనాలతో  ఇబ్బందులు ఎదుర్కొంటున్నారు. ప్రభుత్వం స్పందించి న్యాయమైన డిమాండ్లను పరిష్కరించాలని డిమాండ్ చేశారు. ఈ కార్యక్రమంలో జిల్లా అధ్యక్షుడు దివాకర్ యూనియన్ జిల్లా అధ్యక్షురాలు సంతోషి, ప్రధాన కార్యదర్శి పుణ్యవతి,రజని, సునీత ,భాగ్య ,బుజ్జి, తదితరులున్నారు.