కామారెడ్డి జిల్లాలోని ప్రసిద్ధ దోమకొండ కోటను నటి ప్రియాంక చోప్రా శుక్రవారం సందర్శించారు. ఆ గడికోటలోని మహదేవుని ఆలయాన్ని సందర్శించి ప్రత్యేక పూజలు నిర్వహించారు. ఇటీవల ఆమె చిలుకూరి బాలజీ స్వామి ఆలయంలోనూ పూజలు చేశారు. లాస్ ఏంజెల్స్‌లో ఉంటున్న ప్రియాంక కొన్ని రోజల క్రితం హైదరాబాద్‌కు వచ్చారు.

టాలీవుడ్ స్టార్ హీరో మహేశ్‌బాబు కథానాయకుడిగా దర్శకుడు రాజమౌళి తెరకెక్కిస్తున్న ‘ఎస్‌ఎస్‌ఎంబీ29’లో ప్రియాంక కథానాయికగా ఎంపికయ్యారని, ఆ ప్రాజెక్టు కోసమే ఆమె హైదరాబాద్‌కు వచ్చారని కూడా పలు చర్చలు జరిగాయి. ఈ నేపథ్యంలోనే ఆమె ఇక్కడి ప్రముఖ ఆలయాలను సందర్శిస్తున్నట్టు తెలుస్తోంది.