వారణాసి:  నామినేషన్‌ దాఖలు చేసేందుకు ప్రధాని నరేంద్ర మోడీ మంగళవారం వారణాసి చేరుకున్నారు. గంగా తీరంలోని దశాశ్వమేథ్ ఘాట్ వద్ద ప్రధాని నరేంద్ర మోడీ పూజలు చేశారు. అనంతరం అక్కడ ఉన్న ప్రజలను పలుకరించారు. కాలభైరవ మందిరంలో జరిగే పూజలో కూడా ప్రధాని పాల్గొనున్నారు. ఆలయంలో పూజల అనంతరం మోడీ నామినేషన్ వేసేందుకు బయలుదేరనున్నారు. వారణాసి భారతీయ జనతా పార్టీ అభ్యర్థిగా నేడు నరేంద్ర మోడీ నామినేషన్ వేయనున్నారు. మోడీ నామినేషన్ కార్యక్రమంలో ఎన్డీఏ కూటమి నేతలు, కేంద్రమంత్రులు, ముఖ్యమంత్రులు పాల్గొనున్నారు. మోడీ నామినేషన్ లో తెలుగుదేశం పార్టీ అధ్యక్షుడు నారా చంద్రభాబు నాయుడు, జనసేన అధినేత పవన్ కళ్యాణ్  పాల్గొనున్నట్లు తెలుస్తోంది.