లవ్, యాక్షన్, ఫిమేల్ ఓరియెంటెడ్.. సినిమాల్లో ఎలాంటి పాత్రలోనైనా ప్రేక్షకులను ఆకట్టుకొని స్టార్ హీరోయిన్‌గా ఎదిగింది అనుష్క శెట్టి. అయితే ‘బాహుబలి’ తర్వాత అప్పుడప్పుడు మాత్రమే సినిమాలు చేస్తోంది. నిరుడు తెలుగులో ‘మిస్ శెట్టి మిస్టర్ పోలిశెట్టి’ చిత్రంతో మెప్పించింది. ‘అరుంధతి’ తర్వాత అనుష్కకు ఫిమేల్ ఓరియెంటెడ్ సినిమాల్లో అంతటి పేరొచ్చింది 2018లో వచ్చిన ‘భాగమతి’తోనే. సస్పెన్స్ థ్రిల్లర్‌గా వచ్చిన ఈ చిత్రం ప్రేక్షకులను విశేషంగా ఆకట్టుకుంది. ఈ సినిమాకు చివరలో సెకండ్ పార్ట్‌కు లీడ్ ఇచ్చి వదిలేశారు.

ఇదిలా ఉండగా, అనుష్కకు సంబంధించి తాజాగా మ్యూజిక్ డైరెక్టర్ తమన్ ఓ ఆసక్తికర విషయాన్ని రివీల్ చేశాడు. ఇప్పుడు ‘భాగమతి’ సీక్వెల్‌కు సంబంధించి వర్క్ జరుగుతోందని, దానికి తాను పని చేస్తున్నానంటూ ఓ ప్రోగ్రాంలో తమన్ లీక్ చేశాడు. దీంతో అనుష్క ఫ్యాన్స్ ‘భాగమతి2’ త్వరగా రావాలని కోరుకుంటున్నారు. ప్రస్తుతం ఈ సినిమా ప్రీ ప్రొడక్షన్ వర్క్స్ జరుగుతున్నట్టు తెలుస్తోంది. మలయాళంలో సినిమా అయ్యాక అనుష్క ‘భాగమతి2’ చేసే అవకాశం ఉంది. దీంతో మరోమారు లేడీ సూపర్ స్టార్ నట విశ్వరూపం చూసేందుకు అభిమానులు ఆసక్తిగా ఎదురుచూస్తున్నారు.