టాలీవుడ్ స్టార్ మహేశ్‌బాబు మేనల్లుడు అశోక్ గల్లా కథానాయకుడిగా నటిస్తున్న తాజా చిత్రం ‘దేవకీ నందన వాసుదేవ’. ప్రశాంత్‌వర్మ కథతో అర్జున్ జంధ్యాల తెరకెక్కిస్తున్న ఈ చిత్రాన్ని సోమినేని బాలకృష్ణ నిర్మిస్తున్నారు. మానస వారణాసి హీరోయిన్‌గా పరిచయమవుతున్న ఈ సినిమా నవంబర్ 22 విడుదల కానుంది. ఈ సందర్భంగా హీరో అశోక్ గల్లా గురువారం విలేకరులతో సినిమా విశేషాలను పంచుకున్నారు.

‘ప్రశాంత్ వర్మ కథ విన్నాక అద్భుతంగా అనిపించింది. అర్జున్ కథలోకి వచ్చిన తర్వాత ప్రధానంగా సినిమా స్కేల్ బాగా పెరిగింది. అర్జున్ ఈ కథను మరింత తీర్చిదిద్ది, కమర్షియల్ స్టయిల్‌లో రూపొందించారు. యాక్షన్, ఎమోషన్ అద్భుతంగా ఉంటుంది. మొత్తంగా ఈ సినిమా ప్రశాంత్ టచ్‌తో బోయపాటి తీస్తే ఎలా ఉంటుందో ఆ టైపులో ఉంటుంది. ప్రశాంత్ వర్మ సినిమా చూసి చాలా హ్యాపీగా ఫీలయ్యారు’ అని చెప్పారు.