సిడ్నీ: ఆస్ట్రేలియా ఓపెన్ బ్యాడ్మింటన్ టోర్నీలో భారత షట్లర్ల పోరాటం ముగిసింది. భారీ అంచనాల మధ్య బరిలోకి దిగిన మన ప్లేయర్లు క్వార్టర్ ఫైనల్ దాటి ముందుకెళ్లలేకపోయారు. బీడబ్ల్యూఎఫ్ వరల్డ్ టూర్ సూపర్ టోర్నీ పురుషుల సింగిల్స్ క్వార్టర్‌ఫైనల్లో శుక్రవారం హెచ్‌ఎస్ ప్రణయ్ 19 13 కొడాయి నరోకా (జపాన్) చేతిలో ఓటమి పాలయ్యాడు. ఇతర మ్యాచ్‌ల్లో సమీర్ వర్మ, ఆకర్షి కశ్యప్, సుమీత్‌రెడ్డి కూడా పరాజయం పాలై ఇంటి బాటపట్టారు. సమీర్ వర్మ 12 13 లిన్ చెన్ యీ (చైనీస్ తైపీ) చేతిలో .. ఆకర్షి కశ్యప్ 17 12 పై యూ పో (చైనీస్ తైపీ) చేతిలో ఓడారు. మిక్స్‌డ్ డబుల్స్‌లో తెలంగాణ షటిల్ జోడీ సిక్కిరెడ్డి రెడ్డి 12 14 టాప్ సీడ్ జియాంగ్ జెన్ బాంగ్ యా జిన్ (చైనా) ద్వయం చేతిలో ఓడింది.