‘తంగలాన్‌” సినిమా సక్సెస్ మీట్ హైదరాబాద్‌లో నిర్వహించగా.. హీరోయిన్ మాళవికా మోహనన్ ఈ ఈవెంట్‌లో ప్రత్యేక ఆకర్షణగా నిలిచింది. ఈ చిత్రంలో ఓ ప్రధాన పాత్ర పోషించిన ఈ భామ సక్సెస్ మీట్‌లో పలు ఆసక్తికర విషయాలు పంచుకుంది. “తంగలాన్’ సినిమాకు తెలుగు ఆడియెన్స్ బిగ్ సక్సెస్ ఇచ్చారు. సినిమాలో ఆరతి పాత్రలో నటించే అవకాశం రావడం అదృష్టంగా భావిస్తున్నా. ఆరతి పాత్రకు నన్ను బాగా మేకోవర్ చేసిన నా పర్సనల్ టీమ్‌కు థ్యాంక్స్. ఈ సినిమా షూటింగ్ రోజులను ఎప్పటికీ గుర్తుంచుకుంటాను. ఇలాంటి విభిన్నమైన, బలమైన పాత్రలను తెరకెక్కించడం సాహసమే. ఈ సినిమా ఆగస్టు 30న బాలీవుడ్‌లో రిలీజ్ కానుంది.. ఆ రోజు కోసం ఆసక్తిగా ఎదురుచూస్తున్నా” అని తెలిపింది మాళవికా మోహనన్. అయితే, తన ప్రసంగం ప్రారంభించే ముందు ‘ఇప్పుడు రాజాసాబ్ షూటింగ్ నుంచే ఇక్కడికి వచ్చా. నేను ప్రభాస్ గారి రాజాసాబ్ సినిమాలో నటించటం ద్వారా త్వరలోనే తెలుగు ఆడియన్స్‌ను పలకరించబోతున్నా. ప్రభాస్ అందరికీ డార్లింగ్. ఈ సక్సెస్‌లో ఆయన లక్ కూడా కలిసొచ్చిందని అనిపిస్తోంది’ అంటూ ఉబ్బితబ్బిబ్బయింది మాళవిక.