కాటారం (విజయక్రాంతి): అంగన్వాడి కేంద్రాల్లో పోషన్ వారోత్సవాలలో భాగంగా రేగులగూడెం, అల్లిపూర్ కేంద్రాలలో హ్యాండ్ వాష్ డే ను నిర్వహించారు. మహాదేవపూర్ ఐసిడిఎస్ ప్రాజెక్టు పరిధి గంగారం సెక్టార్ లోని అల్లిపూర్, రేగుల గుడెం అంగన్వాడి కేంద్రాల కార్యకర్తలు ముసుకుల శ్రీలత రెడ్డి, అన్న పూర్ణలు హ్యాండ్ వాష్ పై అవగాహన కార్యక్రమాలు నిర్వహించారు. చిన్న పిల్లలకు సమీకృత ఆహారం తీసుకోవడం వల్ల మెదడు ఇతర అవయవాలు సకాలంలో అభివృద్ధి చెందుతాయని అంగన్వాడీ కార్యకర్తలు పేర్కొన్నారు. గర్భిణీ స్త్రీలు, బాలింతలు, చిన్నారులు తీసుకోవాల్సిన జాగ్రత్తలు తదితర అంశాలపై అవగాహన కల్పించారు.