దర్శకుడు పూరి జగన్నాథ్ తనయుడు ఆకాశ్ జగన్నాథ్ హీరోగా నటిస్తున్న యాక్షన్ ఎంటర్ టైనర్ మూవీ ‘తల్వార్’. సోమవారం హైదరాబాద్‌లో పూజా కార్యక్రమాలతో లాంఛనంగా ప్రారంభమైందీ చిత్రం. ఈ ప్రారంభోత్సవంలో పలువురు టాలీవుడ్ ప్రముఖులు అతిథిలుగా పాల్గొన్నారు. ప్రముఖ రచయిత విజయేంద్రప్రసాద్ ముహూర్తపు సన్నివేశానికి క్లాప్‌నివ్వగా, హీరో కార్తికేయ స్క్రిప్ట్ అందజేశారు.

డైరెక్టర్ బాబీ కెమెరా స్విచ్ఛాన్ చేయగా, డైరెక్టర్ బుచ్చిబాబు సాన ఫస్ట్ షాట్ డైరెక్షన్ చేశారు. త్వరలోనే ఈ సినిమా రెగ్యులర్ షూటింగ్ ప్రారంభించుకోనుంది. ఈ చిత్రంలో భారీ తారాగణం నటించబోతున్నారు. వారి వివరాలను త్వరలో వెల్లడించనున్నారు. కొత్త దర్శకుడు కాశీ పరశురామ్ తెరకెక్కిస్తున్న ఈ ప్రాజెక్టును వార్నిక్ స్టూడియోస్ బ్యానర్‌పై భాస్కర్ ఈఎల్‌వీ నిర్మిస్తున్నారు. ఈ చిత్రానికి సినిమాటోగ్రఫీ: త్రిలోక్ సిద్ధు; మ్యూజిక్ డైరెక్టర్: కేశవ కిరణ్.