హైదరాబాద్: తెలంగాణ రాష్ట్రంలో సోమవారం లోక్ సభ ఎన్నికల పోలింగ్ కొనసాగుతోంది. 17 లోక్ సభ స్థానాల్లో పోలింగ్ జరుగుతోంది. కంటోన్మెంట్ అసెంబ్లీ స్థానంలో పోలింగ్ కొనసాగుతోంది. సాయంత్రం 6 గంటల వరకు పోలింగ్ కొనసాగనుంది. రాష్ట్రంలో 17 లోక్ సభ స్థానాల బరిలో 525 మంది అభ్యర్థులు బరిలో ఉన్నారు. లోక్ సభ స్థానాల బరిలో 50 మంది మహిళ అభ్యర్థులు పోటీ చేస్తున్నారు. రాష్ట్రవ్యాప్తంగా 285 మంది ఈ ఎన్నికల్లో ఇండిపెండెంట్లుగా పోటీ చేస్తున్నారు. కాంగ్రెస్, బిజెపి, బిఆర్ఎస్ లోక్ సభ ఎన్నికల్లో అన్ని స్థానాలకు పోటీ చేస్తున్నారు. అత్యధికంగా సికింద్రాబాద్ పార్లమెంట్ స్థానానికి 45 మంది పోటీ పడుతున్నారు. అత్యల్పంగా ఆదిలాబాద్ లోక్ సభ స్థానానికి 12 మంది మాత్రమే బరిలో ఉన్నారు. 106 అసెంబ్లీ సెగ్మెంట్ల పరిధిలో సాయంత్రం  6 గంటల వరకు పోలింగ్ జరుగుతోంది. 13 సమస్యాత్మక సెగ్మెంట్లో సాయంత్రం 4 వరకు  పోలింగ్ జరుగనుంది. రాష్ట్రంలో మొత్తం 3,32,32,318 మంది ఓటర్లు ఉన్నారు.