1. ఒక  జట్టుని  మించి మరొక జట్టు నైపుణ్యాన్ని ప్రదర్శిస్తూ ముందుకు.. 
2. ప్రత్యేక ఆకర్షణగా నిలిచిన కేనోయింగ్, కయాకింగ్ క్రీడలు 
3. ఈ వాటర్ స్పోర్ట్స్‌ని ప్రత్యేకంగా తిలకించిన ఐజీపీ స్పోర్ట్స్ రమేష్‌రెడ్డి , కరీంనగర్ పోలీస్ కమిషనర్ అభిషేక్ మొహంతి 

కరీంనగర్,జనవరి30(విజయక్రాంతి ): కరీంనగర్ పోలీస్ కమీషనరేట్ పరేడ్ గ్రౌండ్ నందు మంగళవారంనాడు అట్టహాసంగా ప్రారంభమయిన మూడవ తెలంగాణ రాష్ర్ట స్థాయి పోలీసు క్రీడాపోటీలు ఎంతో ఉత్కం ఠగా,   ఉత్సాహంగా కొనసాగుతున్నాయి. క్రీడాకారులు వారి వారి క్రీడల్లో నైపుణ్యాన్ని ప్రదర్శిస్తూ ముందుకు సాగుతున్నారు.

గురువారంనాడు  జరిగిన క్రీడంశాలు బా క్సింగ్, కరాటే, 10 కిమీ క్రాస్ కంట్రీ, టేబుల్ టెన్నిస్, ఇండియన్ మేడ్ సైకిల్ రోడ్ రేస్ విత్ అవుట్ గేర్ 40 కి.మీ.  పురుషులు  విభాగం,   ఇండియన్ మేడ్ సైకిల్ రోడ్ రేస్ విత్ గేర్40 కి.మీ.  పురుషులు విభాగం,  ఆర్చరీ 50 మీటర్లు, 70 మీటర్లు  విభాగం పురుషులు, స్విమ్మింగ్ 200 మీటర్ల ఫ్రీ స్టైల్, స్విమ్మింగ్ 200 మీటర్ల బ్యాక్ స్ట్రోక్,  స్విమ్మింగ్ 100 మీ.

బ్రెస్ట్ స్ట్రోక్, పురుషుల యోగ 18-28 సంవత్సరాల విభాగం, 28 - 35 సంవత్సరాల విభాగం, 35 - 45 సం వత్సరాల విభాగం, 45 - 55 సంవత్సరాల విభాగాల్లో క్రీడలు జరిగాయి. ఈ రోజు జరిగిన క్రీడాంశాలలో మొత్తంగా వివిధ విభాగాల్లో పాల్గొన్న పలుజోన్ ల క్రీడాకారు లకుగాను 31 బంగారు , 28 వెండి , 33 కాంస్యమొత్తంగా 92 మెడల్స్ గెలుచుకోగా వాటిని గురువారంనాడు నిర్వహించిన మెడల్ సెర్మనీ కార్యక్రమంలో విజేతలకు అందించారు.

ఈ కార్యక్రమానికి ముఖ్య అతిధిగా ముల్టీజోన్  -I  ఐజీపీ చంద్రశేఖర్ రెడ్డి ఐపీఎస్ మరియు బజాజ్ ఎలక్ట్రానిక్స్ కేటగిరీ హెడ్ ఎం.డి.  రమీజ్  హాజరై విజేతలకు పతకాలతో పాటు ప్రశంసా పత్రాలు  అందించారు.