ముత్తారం పోలీస్ స్టేషన్ ఆకస్మిక తనిఖీలో రామగుండం సిపి శ్రీనివాస్

మంథని (విజయక్రాంతి): నిరంతరం పోలీసులు అప్రమత్తంగా ఉండాలని అప్పుడే, ప్రజలకు మనసేవలు ఎక్కువగా అందుతాయని రామగుండం సిపి శ్రీనివాస్ అన్నారు. కమిషనరేట్ పరిధిలోని ముత్తారం పోలీస్ స్టేషన్ ను శనివారం సీపీ శ్రీనివాస్ ఆకస్మిక తనిఖీ చేశారు. ఈ సందర్భంగా ఆయన పోలీస్ స్టేషన్ లోని రికార్డులు, పరిసరాలను తనిఖీ చేసి పోలీసు సిబ్బందితో వారికి కేటాయించిన పరిధిలోగల పనులను అడిగి తెలుసుకున్నారు. పాత నేరస్తుల రికార్డులు చూసి వివరాలు అడిగి తెలుసుకున్నారు. ఎల్లప్పుడూ అప్రమత్తంగా ఉండాలని పోలీసులకు సూచించారు. సిపి వెంట మంథని సిఐ రాజు, ముత్తారం ఎస్సై రమేష్, రామగిరి ఎస్ఐ చంద్రకుమార్, ఏఎస్ఐ వీరస్వామి, సిబ్బంది ఉన్నారు.