తండ్రి కొడుకుల అంత్యక్రియలు

శోకసంద్రమైన బస్వాపూర్ గ్రామం

కామారెడ్డి,(విజయక్రాంతి): కామారెడ్డి జిల్లా బాన్సువాడ నియోజకవర్గం బస్వాపూర్ గ్రామంలో కోటగిరి మాజీ జెడ్పిటిసి శివరాజ్ దేశాయ్ అతని కుమారుడు రాజశేఖరుల అంత్యక్రియలు గురువారం గ్రామంలో నిర్వహించారు. తమ గ్రామ పెద్దమనిషి ఆయన కుమారుడు కారు ప్రమాదంలో బుధవారం మృతి చెందడం పట్ల బస్సు గ్రామస్తులు శోకసంద్రంలో మునిగిపోయారు. తమకు అన్ని విధాల అండగా నిలిచిన పెద్దాయన తమ నుంచి దూరం అవుతున్నారని కన్నీటి పర్యంతమయ్యారు. అందరితో కలుపుగోలుగా ఉండే పెద్దాయన ఏ ఆపద వచ్చిన తమ పండుగ నిలిచేవాడని గ్రామస్తులు తెలిపారు.ఈ అంత్యక్రియల్లో రాష్ట్ర వ్యవసాయ శాఖ సలహాదారు బాన్సువాడ ఎమ్మెల్యే పోచారం శ్రీనివాస్ రెడ్డి తన అనుచరులతో కలిసి అంతేక్రియలు ముగిసే వరకు గ్రామంలోని ఉన్నారు. దేశాయ్ కుటుంబ సభ్యుల ను ఓదార్చారు. కాంగ్రెస్ పార్టీ ఒక సీనియర్ మంచి నాయకున్ని కోల్పోయిందని ఆయన ఈ సందర్భంగా అన్నారు. బాన్సువాడ నియోజకవర్గ ఇన్చార్జ్ మాజీ ఎమ్మెల్యే ఏనుగు రవీందర్ రెడ్డి తన అనుచరులతో కలిసి పాల్గొన్నారు. శోక తప్ప హృదయాలతో తండ్రీ కొడుకుల అంత్యక్రియలను గ్రామస్తులు ఘనంగా నిర్వహించారు.