తన 20వ చిత్రం ‘సుందరకాండ’తో అలరించడానికి రెడీ అవుతున్నారు హీరో నారా రోహిత్. వెంకటేశ్ నిమ్మలపూడి ఈ చిత్రంతో దర్శకుడిగా పరిచయమవుతున్నారు. సంతోష్ చిన్నపొల్ల, గౌతమ్ రెడ్డి, రాకేశ్ మహంకాళి నిర్మిస్తున్న ఈ చిత్రం నుంచి బుధవారం ఫస్ట్ సింగిల్ విడుదలైంది. ‘బహుశా బహుశా బహుశా.. తరగతి గదిలో ఆగావా ఓ మనసా...’ అంటూ సాగే ఈ పాట.. కథానాయకుడు రోహిత్ ఫస్ట్ లవ్, చిన్ననాటి క్రష్ అయిన కథానాయిక శ్రీదేవి విజయ్‌కుమార్‌ను అందంగా ప్రజెంట్ చేస్తోంది. ఫ్లూట్, మౌత్ ఆర్గాన్ ఎలిమెంట్స్‌తో కూడిన లియోన్ జేమ్స్ కంపోజిషన్‌కు శ్రీహర్ష ఈమాని లిరిక్స్, సిద్ శ్రీరామ్ గాత్రం జీవం పోశాయి. విడుదలకు సిద్ధమవుతున్న ఈ చిత్రానికి ప్రదీప్ ఎం వర్మ సినిమాటోగ్రఫీ అందించారు.