హైదరాబాద్, నవంబర్ 20 (విజయక్రాంతి) : పీసీసీ అధ్యక్షుడు మహేశ్‌కుమార్‌గౌడ్ అధ్యక్షతన గురువారం గాంధీభవన్‌లో పీసీసీ విస్తృత స్థాయి సమావేశం జరగనుంది. ప్రభుత్వం చేపట్టే అభివృద్ధి, సంక్షేమ కార్యక్రమాలను ప్రజల్లోకి తీసుకెళ్లే అంశంతో పాటు స్థానిక సంస్థల ఎన్నికల్లో పార్టీ అనుసరించే అంశాలపై చర్చించే అవకాశం ఉంది. అదేవిధంగా పీసీసీ అధ్యక్షుడి జిల్లాలకు పర్యటనకు సంబంధించి కార్యాచరణపై చర్చించనున్నారు. మంత్రులతో జరిగే ముఖాముఖి కార్యక్రమానికి డిప్యూటీ సీఎం భట్టి విక్రమార్క హాజరుకానున్నారు.