హీరో కార్తీ తన 29వ చిత్రంతో ప్రేక్షకుల ముందుకు వచ్చేందుకు సిద్ధమవుతున్నారు. ‘తానా అక్కరన్’తో విమర్శకుల ప్రశంసలు పొందిన డైరెక్టర్ తమిళ్ దీనికి దర్శకత్వం వహించనున్నారు. డ్రీమ్ వారియర్ పిక్చర్స్‌తో పాటు ఇషాన్ సక్సేనా, సునీల్ షా, రాజా సుబ్రమణియన్ నేతృత్వంలోని ఐవీ ఎంటర్‌టైన్‌మెంట్, బీ4యూ మోషన్ పిక్చర్స్ సంయుక్తంగా ఈ ప్రాజెక్టును నిర్మిస్తాయి. ఈ సినిమాను 2025లో విడుదల చేసేందుకు ప్లాన్ చేస్తున్నారు. షూటింగ్ త్వరలో ప్రారంభం కానుందని దర్శక నిర్మాతలు వెల్లడించారు. భారీ బడ్జెట్‌తో తెరకెక్కనున్న ఈ ప్రాజెక్టు ప్రీ-ప్రొడక్షన్ వర్క్స్‌ను ఇప్పటికే ప్రారంభించినట్టు వెల్లడించిన మేకర్స్ ఈ సినిమాకు సంబంధించి మరిన్ని వివరాలను త్వరలో తెలియజేయనున్నట్టు పేర్కొన్నారు.