హైదరాబాద్,(విజయకాంత్రి): జంట నగరాలైన హైదరాబాద్, సికింద్రాబాద్‌లోని రైల్వే, బస్ స్టేషన్‌లలో ప్రయాణికుల రద్దీ భారీగా కనిపిస్తోంది. ఎందుకంటే సంక్రాంతి పండుగ నేపథ్యంలో ప్రజలు తమ స్వస్థలాలకు వెళుతున్నారు. సొంత ఊరి నుంచి పట్టణాలకు వలస వచ్చిన ప్రజలు, విద్యా సంస్థలకు సెలవులు ఇవ్వడంతో విద్యార్థులు పండుగ సందర్భంగా స్వస్థలాలకు బయల్దేరుతున్నారు. దీంతో సికింద్రాబాద్, కాచిగూడ, నాంపల్లి రైల్వే స్టేషన్‌లో ప్రయాణికులతో భారీగా రద్దీ నెలకొంది. తెలంగాణ, ఆంధ్రప్రదేశ్‌లోని తమ గమ్యస్థానాలకు వెళ్లేందుకు రైల్వే ప్లాట్‌ఫామ్‌లపై విద్యార్థులు, ఉద్యోగ నిపుణులు కుటుంబాలు వేచి ఉన్నారు.

జంట నగరాల్లో అతిపెద్ద రైల్వే స్టేషన్ అయిన సికింద్రాబాద్ రైల్వే స్టేషన్‌లో పండుగ రద్దీ విపరీతంగా ఉంది. సంక్రాంతి రద్దీని తగ్గించడానికి సౌత్ సెంట్రల్ రైల్వే 100కి పైగా ప్రత్యేక రైళ్లను నడుపుతున్నట్లు సమాచారం. ఎందుకంటే వందలాది మంది ప్రయాణికులు తమ లగేజీతో పాటు సికింద్రాబాద్ స్టేషన్‌కు తరలివచ్చారు. అలాగే జంట నగరాల్లోని బస్ స్టేషన్‌లలో కూడా తమ గమ్యస్థానాలకు బస్సులు ఎక్కడానికి ప్రయాణికుల రద్దీ కనిపించింది. మహాత్మా గాంధీ బస్ స్టేషన్, జూబ్లీ బస్ స్టేషన్, దిల్ సుఖ్ నగర్ బస్సు స్టేషన్లు ప్రయాణికులతో కిక్కిరిసిపోయాయి. హైదరాబాద్-విజయవాడ హైవే గురువారం నుండి భారీగా ట్రాఫిక్‌ సమస్యలు తలెత్తాయి. రద్దీని తగ్గించడానికి అధికారులు ప్రత్యేక చర్యలు తీసుకున్నప్పటికీ, టోల్ ప్లాజాల వద్ద కార్లు, బస్సులు, ఇతర రవాణా వాహనాలు క్యూలో ఉన్నాయి. ప్రయాణ సమయంలో ప్రజలు అప్రమత్తంగా ఉండాలని పోలీసులు సూచినలు జారీ చేశారు.