ముఠా సభ్యులను అరెస్ట్ చేసిన పోలీసులు

హైదరాబాద్ సిటీబ్యూరో, నవంబర్ 18 (విజయక్రాంతి): ప్రయాణికు లే టార్గెట్‌గా దారి దోపిడీలకు పాల్పడుతున్న ముగ్గురు ముఠా సభ్యులను సనత్‌నగర్ పోలీసులు అరెస్ట్ చేశారు. ఈ మేరకు సోమవారం బాలానగర్ ఏసీపీ హనుమంతరావు మీడియాకు వివరాలు వెల్లడించారు. యూపీకి చెం దిన అభిషేక్ కుమార్ హైదరాబాద్‌లో ఉద్యోగం చేస్తున్నాడు. పని నిమిత్తం కర్నూలు వెళ్లిన అభిషేక్ శనివారం రాత్రి 12 గంటలకు హైదరాబాద్ ఎంజీబీఎస్ బస్టాండ్‌కు చేరుకున్నాడు.

అనంతరం ఆర్‌సీ పురానికి వెళ్లడానికి ఆటో ఎక్కాడు. ఆ ఆటోలో అప్పటికే డ్రైవర్‌తో పాటు మరో ఇద్దరు వ్యక్తు లు ఉన్నారు. భగత్‌నగర్ వంతెన వద్ద కు చేరుకున్న తర్వాత డ్రైవర్ ఆటోను యూటర్న్ చేశాడు. సనత్‌నగర్ రైల్వే స్టేషన్ సమీపంలో ఆపి, అభిషేక్‌ను కత్తితో బెదిరించి డబ్బులు డిమాండ్ చేశారు. నగదు, సెల్‌ఫోన్ తదితర వస్తువులతో పరారయ్యారు. అభిషేక్ ఫిర్యాదు మేరకు దర్యాప్తు చేపట్టిన పోలీసులు దాడికి పాల్పడిన ఠాకూర్ సురేందర్(22), బిరదార్ సంతో ష్(22), షేక్ హుజేర్ బాబా(23)లను అరెస్ట్ చేశారు.