హయత్​నగర్ కార్పొరేటర్​ కళ్లెం నవజీవన్ ​రెడ్డి...

ఎల్బీనగర్: పక్కా ప్రణాళికతో  హయత్​ నగర్​ డివిజన్​లోని పర్వత్​నగర్​ సమస్యలు పరిష్కరిస్తానని కార్పొరేటర్ ​కళ్లెం నవజీవన్​రెడ్డి అన్నారు. సోమవారం ఆయన పర్వత్ నగర్ లో పర్యటించారు. ఈ సందర్భంగా కాలనీవాసులు తమ కాలనీలో మౌలిక సదుపాయాలు ఉన్నాయని కార్పొరేటర్ ​దృష్టికి తీసుకొచ్చారు. అండర్ ​గ్రౌండ్ ​డ్రైనేజీ, సీసీ రోడ్లు, తాగునీటి పైప్ లైన్ లేకపోవడంతో ఇబ్బందులు పడుతున్నామని సమస్యలు ఏకరువు పెట్టారు. అనంతరం కార్పొరేటర్ ​మాట్లాడుతూ.. సంబంధిత అధికారులతో మాట్లాడి కాలనీలోనీ సమస్యలన్నిటిని ఒక్కొక్కటిగా నెరవేరుస్తామని హామీ ఇచ్చారు. ఈ కార్యక్రమంలో కాలనీ సంక్షేమ సంఘం సభ్యులు మల్లారెడ్డి, నాగేశ్వరరావు, గోవర్ధన్ రెడ్డి, వెంకట్ రెడ్డి, సుబ్బారావు కాలనీవాసులు పాల్గొన్నారు.

హిందూ శ్మశాన వాటిక పనులు పరిశీలన...

డివిజన్​లోని బంజారా కాలనీలో దాదాపు రూ.2 కోట్ల వ్యయంతో నిర్మిస్తున్న హిందూ స్మశాన వాటిక అభివృద్ధి పనులను సూపరిండెంట్​ ఇంజనీర్ (ఎస్​ఈ) నిత్యానంద్​తో కలిసి కార్పొరేటర్ ​నవజీవన్​రెడ్డి పరిశీలించారు. ఈ సందర్భంగా కార్పొరేటర్ మాట్లాడుతూ... స్మశాన వాటికలో గ్రీనరీ, పూర్తిస్థాయిలో అభివృద్ధి పరిచేందుకు మరికొన్ని నిధులను మంజూరు చేయాల్సిందిగా ఎస్​ఈ ని కోరినట్లు తెలిపారు. ఈ కార్యక్రమంలో డీఈ దామోదర్, ఏఈ హేము నాయక్, వర్క్ ఇన్​స్పెక్టర్​ సురేశ్, బీజేపీ మల్కాజ్​గిరి పార్లమెంట్ జాయింట్ కన్వీనర్ బండారి భాస్కర్, డివిజన్ అధ్యక్షుడు గంగాని శ్రీను తదితరులు పాల్గొన్నారు.