భజన సంకీర్తనలతో శోభాయాత్రలో పాల్గొన్న మఠాధిపతి, జడ్పీ మాజీ చైర్మన్ 

ఆదిలాబాద్ (విజయక్రాంతి): పండరీపూర్ విఠలేశ్వరుని దర్శనానికి ప్రతి ఏటా జిల్లా నుండి పెద్ద ఎత్తున భక్తులు తరలి వెళ్లడం ఆనవాయితీ వస్తోంది. ఆడే తుకారం మహారాజ్ ఆధ్వర్యంలో నార్నూర్ మండలం నుండి ఆదిలాబాద్ జిల్లా కేంద్రం వరకు భక్తులు పాదయాత్రగా వచ్చారు. పాదయాత్ర భక్తులు సోమవారం ఆదిలాబాద్ జిల్లా కేంద్రానికి చేరున్నారు. ఈ సందర్భంగా శ్రీ రామచంద్ర గోపాల కృష్ణ మఠం వద్దకు మఠాధిపతి యోగానంద్ సరస్వతీ స్వామి, జడ్పీ మాజీ చైర్మన్ రాథోడ్ జనార్ధన్ పాల్గొని భక్తులతో కలిసి నృత్యాలు చేస్తూ వారిలో ఉత్సాహాన్ని నింపారు. గోపాలకృష్ణ మఠం నుండి ఆదిలాబాద్ రైల్వే స్టేషన్ వరకు పట్టణ ప్రధాన వీధుల గుండా శోభాయాత్ర చేపట్టారు. భక్తుల భజన సంకీర్తనలతో పట్టణంలో ఆధ్యాత్మిక వాతావరణ నెలకొంది. సాంప్రదాయ వాయిద్యాలతో భజన సంకీర్తనలు ఆలపిస్తూ భక్తులు ఉత్సాహంగా పాల్గొన్నారు. ఈ కార్యక్రమంలో ప్రముఖులు బండారి దేవన్న, శ్రీనివాస్ మహరాజ్, గజేందర్ గుండావార్, తులసి మాహరాజ్, గులాబ్ మాహరాజ్, భక్తులు, తదితరులు పాల్గొన్నారు.