వికారాబాద్‌లో పోటెత్తిన భక్తులు 

వికారాబాద్, నవంబర్ 15 (విజయక్రాంతి): కార్తీకమాసాన్ని పురస్కరించుకొని వికారాబాద్‌లో నిర్వహిస్తున్న అనంత పద్మనాభస్వామి జాతర ఉత్సవాలు ఘనంగా జరుగుతున్నాయి. స్వామి దర్శనం కోసం శుక్రవారం భక్తులు పోటెత్తారు. కార్తీక పౌర్ణమిని పురస్కరించుకొని పెద్దఎత్తున తరలివచ్చిన భక్తులు.. ఆలయం ఆవరణలోని తులసిచెట్టు వద్ద కార్తీక దీపారాన చేసి మొక్కులు తీర్చుకున్నారు.

సెలయేరులో పుణ్య స్నానాలు ఆచరించి, కాలినడక వచ్చి స్వామివారిని దర్శించుకున్నారు. శుక్రవారం 12వేల మంది స్వామివారిని దర్శించు కున్నట్లు ఆలయ సిబ్బంది తెలిపారు. ఆలయ ఆవరణలో హిందూ ఉత్సువ సమితి ఆధ్వర్యంలో ఆధ్యాత్మిక కార్యక్రమాలు, భజనలు నిర్వహించారు.