పాపన్నపేట,(విజయక్రాంతి): ప్రసిద్ధ పుణ్యక్షేత్రమైన ఏడుపాయ‌ల వ‌నదుర్గ భ‌వాని అమ్మ‌వారిని మెదక్ జిల్లా బీఆర్ఎస్ పార్టీ అధ్యక్షురాలు మాజీ ఎమ్మెల్యే పద్మదేవేందర్ రెడ్డి గురువారం ద‌ర్శించుకున్నారు. అమ్మవారికి ప్ర‌త్యేక పూజ‌లు నిర్వ‌హించి, త‌న మొక్కులు చెల్లించుకున్నారు. ఈ సందర్భంగా పద్మదేవేందర్ రెడ్డి మాట్లాడుతూ.. వనదుర్గ భవాని అమ్మవారిని దర్శించుకోవడం జరిగిందని, అమ్మవారి ఆశీస్సులతో మెదక్ నియోజకవర్గం ప్రాంతమంతా సుభిక్షంగా ఉండాలని కోరుకున్నట్లు చెప్పారు. అనంతరం  ఆల‌య సిబ్బంది శాలువాతో సత్కరించి తీర్థ ప్ర‌సాదాలు అంద‌జేశారు. వీరి వెంట బిఆర్ఎస్ నాయకులు కంఠరెడ్డి. తిరుపతిరెడ్డి,ఏడుపాయల మాజీ చైర్మన్ బాల గౌడ్, పాపన్నపేట మండల పార్టీ అధ్యక్షులు విష్ణువర్ధన్ రెడ్డి, మాజీ రైతుబంధు అధ్యక్షులు సోములు, పాపన్నపేట మాజీ సర్పంచ్ల ఫోరం అధ్యక్షులు జగన్, మాజీ సర్పంచ్ లు సంజీవరెడ్డి,బద్రి మల్లేశం, మాజీ ఎంపిటిసిలు మండల నాయకులు, కార్యకర్తలు తదితరులు ఉన్నారు.