అనుబంధాలు, అనురాగాలు, తెలంగాణ సాంప్రదాయాల కలబోతగా రూపుదిద్దుకుంటున్న చిత్రం 'మన కుటుంబం’. గ్రామీణ నేపథ్యంలో సాగే ఈ సినిమాను దర్శకుడు ఆకుల రాఘవ తెరకెక్కిస్తున్నారు. కలకొండ ఫిలిమ్స్ బ్యానర్‌పై కలకొండ హేమలత నిర్మిస్తున్నారు. సుమన్, మురళీగౌడ్, అన్నపూర్ణమ్మ, రవివర్మ, లాస్య, మీనా చౌదరి తదితరులు నటిస్తున్న ఈ సినిమా ఆడియో రిలీజ్ ఫంక్షన్‌ను సోమవారం హైదరాబాద్‌లో నిర్వహించారు.

కలకొండ నరసింహ చేతుల మీదుగా ఆడియో ఆవిష్కరణ జరిగింది. ఈ సినిమాలోని పాటలు అద్భుతంగా వచ్చాయని అతిథులు అభినందించారు. ఈ సందర్భంగా దర్శకుడు ఆకుల రాఘవ మాట్లాడుతూ.. సెన్సార్ కార్యక్రమాలు పూర్తి చేసుకున్న తర్వాత త్వరలో ఈ సినిమాను విడుదల చేస్తాం’ అని తెలిపారు. ఆడియో లాంచ్ కార్యక్రమంలో సుమన్, అన్నపూర్ణమ్మ, సంగీత దర్శకుడు, భానుప్రసాద్, దర్శకుడు ఆకుల రాఘవ పాల్గొన్నారు. ఈ చిత్రానికి సంగీతం: జే భానుప్రసాద్; గానం: వందేమాతరం శ్రీనివాస్, నల్లగొండ గద్దర్, రోహిణి, సింధుజ శ్రీనివాస్, మారుతి.