మంచిర్యాల, (విజయక్రాంతి): జిల్లాలోని అన్ని యాజమాన్యాల పాఠశాలల, కళాశాలల ప్రదానోపాధ్యాయులకు, ప్రిన్సిపాల్ లకు క్లస్టర్ లెవెల్ లో శుక్రవారం అవగాహన కార్యక్రమాన్ని నిర్వహించడం జరిగింది. జిల్లా విద్యాధికారి ఎస్ యాదయ్య ఆదేశాల మేరకు నిర్వహించిన యూ డైస్ 2024-25పై ఓరియంటేషన్ ప్రోగ్రాంలో ప్లానింగ్ కోఆర్డినేటర్ శ్రీనివాస్, ఏఎస్సి రాజకుమార్, ఏపీఓ రాములు జూమ్ వేదికగా వివరించారు. స్కూల్ ఇన్ఫర్మేషన్, టీచర్ ఇన్ఫర్మేషన్, స్టూడెంట్ ఇన్ఫర్మేషన్ ఏ విధంగా చేయాలి, తప్పు లేకుండా స్కూల్ యొక్క వసతుల, సౌకర్యాల వివరాలు ఏ విధంగా నింపాలి అని అవగాహన కల్పించారు. ఈ కార్యక్రమంలో ఎంఈఓ, ఎంఎంఓ, సి ఆర్ సి హెచ్ఎం, అన్ని యాజమాన్యాల ప్రధానోపాధ్యాయులకు, మండల ఎంఐఎస్, సిసిఓ, సిఆర్పిలు పాల్గొన్నారు.