సాయిపల్లవి చకచకా సినిమాలు చేసుకుంటూ పోతున్నారు. ఒక సినిమా విడుదలకు ముందే మరో సినిమాకు గ్రీన్ సిగ్నల్ ఇస్తున్నారు. తాజాగా ‘అమరన్’ చిత్రంతో ఆమె మంచి హిట్ అందుకున్నారు. ప్రస్తుతం టాలీవుడ్‌లో ‘తండేల్’, బాలీవుడ్‌లో ’రామాయణ‘ చిత్రంలో నటిస్తున్నారు. ఈ సినిమాలు షూటింగ్ దశలో ఉండగానే మరో సినిమాకు సాయిపల్లవి గ్రీన్ సిగ్నల్ ఇచ్చారని తెలుస్తోంది.

ఈసారి రామ్ చరణ్ సరసన సాయిపల్లవి నటించునున్నారని సమాచారం. ప్రస్తుతం ఆయన బుచ్చిబాబు దర్శకత్వం లో ‘ఆర్‌సీ 16’లో నటిస్తున్నారు. ఇది పూర్తవగానే సుకుమార్ దర్శకత్వంలో సినిమా చేయనున్నారు. ఈ చిత్రంలో సాయిపల్లవి హీరోయిన్‌గా ఎంపికయ్యారట. ప్రస్తుతం సుకుమార్ ‘పుష్ప 2’ పనుల్లో బాగా బిజీగా ఉన్నారు. దీని తర్వాత ఒక లాంగ్ గ్యాప్ తీసుకుని రామ్ చరణ్, సాయిపల్లవితో చేయబోయే చిత్రంపై ఫోకస్ చేస్తారని సమాచారం. తమ చిత్రం లో హీరోయిన్ పాత్రకు సాయి పల్లవి అయితేనే సరిగ్గా సెట్ అవుతుందని సుకుమార్ భావిస్తున్నారట.